بلوچستان میں فائرنگ سے 2 کوسٹ گارڈ اہلکار ہلاک

مہر خبررساں ایجنسی نے ڈان کے حوالے سے نقل کیا ہے کہ پاکستان  کے صوبہ بلوچستان کے ضلع گوادر میں نامعلوم مسلح موٹر سائیکل سواروں کی فائرنگ سے 2 کوسٹ گارڈ اہلکار ہلاک اور دو شہری زخمی ہوگئے ہیں۔اطلاعات کے مطابق  نامعلوم مسلح افراد نے ضلع گوادر کے جیوانی بازار میں کوسٹ گارڈ اہلکاروں کا نشانہ بنایا جبکہ ان کے ساتھ بیٹھے ہوئے دو شہری بھی فائرنگ کی زد میں آکر زخمی ہوگئے۔حملے کے بعد ملزمان موٹر سائیکلوں پر فرار ہونے میں کامیاب ہوگئے۔ واقعہ کی اطلاع ملتے ہی پولیس اور دیگر سکیورٹی اداروں کے اہلکار موقع پر پہنچے اور لاشوں اور زخمیوں کو ہسپتال منتقل کیا جبکہ واقعہ کی تحقیقات کا آغاز کردیا گیا ہے۔ واضح رہے کہ فوری طور پر حملے کی ذمہ داری کسی بھی گروپ یا تنظیم نے قبول نہیں کی تاہم ماضی میں بلوچستان میں متعدد دہشت گرد، علیحدگی پسند اور قوم پسند تنظیمیں سیکیورٹی اہلکاروں پر حملوں میں ملوث رہی ہیں۔